To Advertise Your Business in this site please contact us on gahateli@gmail.com

Description: http://f0.pepst.com/c/096E9E/423006/ssc3/home/055/mr-loomba/albums/omkar.gif_480_480_0_64000_0_1_0.gif

आउनुस् जानौं र प्रयोग गरौं, हाम्रा अग्रज ऋषिमुनिले प्रदान गर्नुभएको त्यस ज्योतिषीय ज्ञानलाई, जसको कुनै विकल्प छैन। यस ज्योतिषविद्याको अनुशीलनका माध्यमबाट तपाईं, म र हामी सबैले वर्तमान र भविष्यमा हुनसक्ने राम्रा/नराम्रा घटना तथा सङ्केतलाई पहिल्याउन सक्छौं, केही अनिष्ट छन् भने तिनलाई निवारण गर्न स्वस्ति, शान्ति र उपाय गर्न सक्दछौं, पूजा, पाठ, मन्त्र, जाप जस्ता उपायद्वारा ती अशुभ घटनालाई पन्छाउने प्रयास गर्न सक्दछौं। हाम्रो जीवनमा हुनसक्ने हानि/लाभ, अध्ययन/अध्यापन, प्रेम/विवाह/जीवनसाथी, साझेदारी/सम्बन्ध-विच्छेद, पेशा/व्यवसाय, रोग/व्याधि, घरघडेरी/भौतिक सुखसम्मृद्धि, जग्गा/जमीन, यात्रा/वैदेशिक यात्रा आदिका बारेमा पठनीय सामाग्री अध्ययन गर्न, सिक्न र विचारविमर्शका निमित्त समस्त पाठकलाई यस मञ्चमा स्वागत गर्दछौं।

२०७१ श्रावण महिनाको मासिक राशिफल






कृष्णप्रसाद कोइराला, उपप्राध्यापक
पिण्डेश्वर क्याम्पस, धरान
फोन +977 9862035466


मेष (चु, चे, चो, ला, लि, लु, ले, लो, अ) –
सूर्य र मंगलको प्रभावले यस अवधिमा तपाईंले कडा मिहिनेत गर्नुपर्छ जुन तपाईंका लागि कष्टप्रद हुनसक्छ । निरन्तर रूपमा गरिएको परिश्रमका कारण छिटै थाकिन्छ र कार्य क्षमतामा पनि कमी आउने छ । मन कुकर्म र गलत आचरणतर्फ आकर्षित बन्नेछ । तर बुध र शुक्रको अनुकूलताले तपाईंको मिहिनेतको राम्रो नतिजा हात पर्ने छ । ससाना यात्राबाट राम्रो फल प्राप्त हुनेछ । विदेशबाट राम्रो समाचार प्राप्त हुनेछ । दाजुभाइ र दिदीबहिनीहरूबाट समेत सहायता प्राप्त हुनेछ । यस समयावधिमा तपाईं अत्यधिक उत्साही र फुर्तिलो रहनुहुनेछ । सामान्यतया यस महिनाको १, २, ३, १०, ११, १२, २०, २१, २८, २९ र ३० गते तपाईंका लागि नराम्रा दिनका रुपमा देखा पर्नेछन् ।

बृष (इ, उ, ए, ओ, बा, बि, बु, बे, बो) –
समग्रमा यो महिना तपाईंका लागि सकारात्मक भएर उपस्थित भएको छ । पारिवारिक जीवनमा तपाईंले सुख प्राप्त गर्नु हुनेछ र बहुप्रतीक्षित इच्छा र उद्देश्यमा सफलता आर्जन हुनेछ । यस अवधिमा तपाईंले धेरै समय घुमघाम र भ्रमणमा बिताउनु हुनेछ । ससाना यात्रा भाग्यशाली सिद्ध हुनेछन् र सुखद समेत हुनेछन् । धनप्राप्तिको समाचार प्राप्त हुनेछ । पारिवारिक मित्र र नातागोताका साथीभाइसँगको सामाजिक सम्बन्ध अझ राम्रो हुनेछ । वर्तमान समयमा स्वास्थ्य पनि अनुकूल रहने छ । आर्थिक रूपले यो उत्तम समय हुनेछ । सामान्यतया यस महिनाको ३, ४, ५, १३, १४, २२, २३, २४, ३० र ३१ गते तपाईंका लागि नराम्रा दिनका रुपमा देखा पर्नेछन् ।

मिथुन (का, कि, कु, घ, ङ, छ, के, को, ह) –
यो महिना सूर्य र मंगल ग्रह तपाईंको विपक्षमा र बुध र शुक्र ग्रह पक्षमा उभिएको हुँदा मिश्रित परिणाम प्राप्त हुनेछ । सूर्य र मंगलका कारण पारिवारिक जीवन सुखद हुनेछैन, सम्पत्तिको नाश हुनसक्छ । जुवातास, लटरी र सट्टापट्टातर्फ नहौसिनु होला । तर बुध र शुक्रका कारण यस अवधिमा तपाईंले अत्यन्त सुखभोग गर्न पाउनु गर्नु हुनेछ । प्रतिभा र योग्यतालाई उपयोग गर्नाले राम्रो परिणाम प्राप्त हुनेछ । सम्मान प्राप्त हुनेछ र ख्याति बढ्ने छ । यद्यपि कामको बोझ धेरै नै हुन्छ, तर स्वास्थ्य अनुकूल रहने छ । दाम्पत्य जीवनको भरपूर सुख भोग गर्न पाउनु हुनेछ । सामान्यतया यस महिनाको ५, ६, ७, १५, १६, १७, २४, २५ र २६ गते तपाईंका लागि नराम्रा दिनका रुपमा देखा पर्नेछन् ।

कर्कट (हि, हु, हे, हो, डा, डि, डु, डे, डो) –
मंगल र शनिको प्रतिकूलताका बाबजूद यो महिना तपाईंका लागि सफलतम महिनाका रुपमा आएको छ । धनात्मक दृष्टिकोण र अत्यधिक आत्मविश्वासका आधारमा कुनै महत्वपूर्ण जिम्मेबारी प्राप्त हुनेछ । आफ्नो स्वास्थ्यस्थितिमा र घरपरिवारमा पनि स्वास्थ्यसम्बद्ध समस्या देखा पर्न सक्छ । भौतिक सुखसुविधाका सामाग्री किनमेल गर्न धनखर्च हुनेछ । उच्चकोटिको दाम्पत्य जीवनको सुख भोग गर्न पाउनु हुनेछ । तपाईंको उद्देश्य उपलब्धीमूलक हुनेछ । तपाईंभित्र रहेको दृढ इच्छा शक्तिका कारण विपरीत परिस्थितिमा पनि तपाईंले विवेक गुमाउनु हुन्न र समुचित काम गर्नुहुनेछ । तपाईंको सामाजिक सम्बन्धमा विस्तार हुनेछ र तपाईंको प्रतिष्ठामा पनि अभिबृद्धि हुनेछ । परिवारमा कुनै मांगलिक कृत्य सम्पन्न हुनेछ । सामान्यतया यस महिनाको ८, ९, १०, १७, १८, १९, २६, २७ र २८ गते तपाईंका लागि नराम्रा दिनका रुपमा देखा पर्नेछन् ।

सिंह (मा, मि, मु, मे, मो, टा, टि, टु, टे) –
सूर्य र बृहस्पति तपाईंको बाह्रौं घरमा रहे पनि यो महिना लाभकारी नै छ । तर वर्तमान समयमा क्षणिक आवेग र उन्मादमा कुनै काम वा निर्णय नगरेको नै बेस हुनेछ । यात्राबाट लाभ प्राप्त हुनेछ । सञ्चार माध्यमबाट शुभ समाचार प्राप्त हुनेछ । प्रणय सम्बन्धका निमित्त समेत यो समय राम्रो छ । बहुप्रतीक्षित अभिलाषा र इच्छाको पूर्णता हुनेछ । दाजुभाइ र दिदीबहिनीले समेत आआफ्नो कार्यक्षेत्र मा राम्ररी काम गर्नेछन् । अनावश्यक खर्चको मात्रा बढ्ने छ,  तर आम्दानीका मार्गहरू पनि पर्याप्त रहने छन् । सामान्यतया यस महिनाको १, २, ३, १०, ११, १२, २०, २१, २८, २९ र ३० गते तपाईंका लागि नराम्रा दिनका रुपमा देखा पर्नेछन् ।

कन्या (टो, प, पि, पु, ष, ण, ठ, पे, पो) –
सूर्य, बुध र शुक्रको अनुकूलताका कारण तपाईंका इच्छा र आकांक्षाहरू पूर्ण हुनेछन् । नातागोताका सदस्यहरू र मित्रवर्गबाट सहायता प्राप्त हुनेछ । यस समयमा गरिएका किनमेल र कारोबारहरू सफलतम सिद्ध हुनेछन् । करार र सम्झौताबाट तपाईंले अत्यधिक लाभ प्राप्त गर्नुहुनेछ । प्रेम र प्रणय सम्बन्धका निमित्त समेत यो एउटा श्रेष्ठ समय हो । आय आर्जनका मार्गमा राम्रै सुधार आउने छ । लामो यात्रा सुखद एवं सफलतम सिद्ध हुनेछ । तर मंगल ग्रह प्रतिकूल हुनाले घरपरिवारकै सदस्यका कारण तनाव उत्पन्न हुन सक्छ । ससाना कुरा र विषयका कारण पनि झैझगडा हुन सक्छ । मुखलाई नियन्त्रण गर्नुपर्छ, नत्र अप्ठ्यारामा पर्न सक्नुहुन्छ । सामान्यतया यस महिनाको ३, ४, ५, १३, १४, २२, २३, २४, ३० र ३१ गते तपाईंका लागि नराम्रा दिनका रुपमा देखा पर्नेछन् ।

तुला (र, रि, रु, रे, रो, ता, ति, तु, ते) –
तपाईं असाध्यै क्रियाशील र व्यस्त रहनु हुनेछ । व्यापार र नोकरीका माध्यमबाट लाभप्राप्त गर्नु हुनेछ । मातापिता र वरिष्ठ अधिकारीको कृपा र आशीर्वाद प्राप्त हुनेछ । यो समय तपाईंको कर्मक्षेत्रको परीक्षणको समय हो । व्यवसायिक क्षेत्रको फलदायी यात्रा सम्पन्न हुनेछ । सबै पक्षबाट यस समयलाई सन्तोषजनक समयका रुपमा लिन सकिन्छ । तपाईंले समस्त आर्थिक समस्याहरु हल गर्नुहुने छ । यद्यपि आफ्नै राशिमा मंगल र शनिको युति भएकाले इच्छाविपरीत परिणाम आउनसक्छ, सानातिना रोगव्याधिको भय छ र हलुका दुर्घटना हुने सम्भावना पनि छ । सुदूर र दुर्गम प्रदेशको यात्राको सम्भावना छ । सामान्यतया यस महिनाको ५, ६, ७, १५, १६, १७, २४, २५ र २६ गते तपाईंका लागि नराम्रा दिनका रुपमा देखा पर्नेछन् ।

बृश्चिक (तो, ना, नि, नु, ने, नो, या, यि, यु) –
सूर्य र बृहस्पति तपाईंको पक्षमा रहँदारहँदै यस अवधिमा तपाईंले कतिपय प्रतिकूल परिस्थिति र कठिनाइको सामना गर्नुपर्नेछ । केही समस्याहरू तपाईंको स्वाभिमान र घमण्डका कारण पनि सिर्जना हुनेछन् । ससाना कुराका कारण विवाद बढ्ने सम्भावना छ । महत्वहीन र बेकारका काममा तपाईंले आफ्नो शक्ति र समय खर्च गर्नुहुनेछ । स्वास्थ्य ठीक नहुनाले कुनै पनि काम तपाईंले पूर्ण गर्न सक्नुहुन्न । पारिवारिक जीवन तनावग्रस्त रहने छ । यद्यपि उच्च पदमा प्रतिष्ठित व्यक्तिहरूसित भेटघाट हुनेछ र तिनीहरूको सल्लाह र सद्भाव प्राप्त हुनेछ । धार्मिक र सांस्कृतिक महत्त्वको क्षेत्रको भ्रमण गर्नुहुनेछ । सामान्यतया यस महिनाको ८, ९, १०, १७, १८, १९, २६, २७ र २८ गते तपाईंका लागि नराम्रा दिनका रुपमा देखा पर्नेछन् ।

धनु (ये, यो, भ, भि, भु, ध, फा, ढ, भे) –
यो महिना मिश्रित परिणाम प्राप्त हुने सम्भावना छ । मित्र र सहयोगीहरूबाट तपाईंले लाभ प्राप्त गर्नुहुनेछ । बहुप्रतीक्षित इच्छा र आंकाक्षाहरूले पूर्णता पाउने छन् र लामो दूरीको यात्राबाट लाभ प्राप्त हुनेछ । आय आर्जनका मार्गमा बढोत्तरी हुनेछ । तर  आठौं सूर्य र बृहस्पतिका कारण अचानक विविध समस्या देखा पर्न सक्छन् । पारिवारिक र नातागोताभित्रका सदस्यहरूसँग राम्रो व्यवहार पुर्याउन नसक्नाले झगडा र विवाद हुनेछ । स्वास्थ्यप्रति सचेत रहनु बेस हुनेछ । खराब र अनैतिक मानिने कामभन्दा टाढा रहनु कल्याणकारी हुनेछ । सामान्यतया यस महिनाको १, २, ३, १०, ११, १२, २०, २१, २८, २९ र ३० गते तपाईंका लागि नराम्रा दिनका रुपमा देखा पर्नेछन् ।

मकर (भो, ज, जि, खि, खु, खे, खो, गा, गि) –
समग्रमा यो महिना राम्रो महिना छैन । कामको बोझ बढेको अनुभूति हुनेछ । व्यर्थका काममासमेत फँस्नु पर्नेछ । तपाईंले कडा मिहिनेत गर्दा समेत राम्रो परिणाम हात पार्न सक्नुहुन्न । पारिवारिक वादविवाद, झैझगडा र समस्याहरूमा संयमता अपनाउनु राम्रो हुनेछ अन्यथा अप्रिय घटना भोग्ने स्थिति आइलाग्ने छ । मानसिक रूपले तनावग्रस्त र अस्वस्थ हुने सम्भावना छ । तर मंगल र बृहस्पति ग्रह अनुकूल हुनाले लेनदेनको कारोबार, सार्वजनिक क्षेत्र वा सरकारद्वारा फाइदा हुनेछ । शत्रुले तपाईंलाई हानि पुर्याउन सक्दैनन् । दाम्पत्य जीवनको सुख भोग गर्न पाउनु हुनेछ । सामान्यतया यस महिनाको ३, ४, ५, १३, १४, २२, २३, २४, ३० र ३१ गते तपाईंका लागि अझ बढी सचेतता अपनाउनु पर्ने दिनका रुपमा आउनेछन्।

कुम्भ (गु, गे, गो, सा, सि, सु, से, सो, द) –
यस अवधिमा तपाईंले जे गरे पनि सफलता हात पार्नु हुनेछ । समस्त समस्याहरूको स्वतः समाधान हुनेछ । शत्रुलाई पराजित तुल्याउनु हुनेछ र उसले तपाईंलाई नोक्सान गर्न सक्दैन । तपाईंको काम सफल हुनेछ र नोकरी र व्यायसायिक जीवनमा समेत सुधार आउने छ । प्रतिष्ठा र पदोन्नतिको सम्भावना छ । सम्मान र साख पनि प्राप्त हुनेछ । समग्रमा यो एउटा सफलतम समय हुनेछ । घरपरिवारका बृद्ध सदस्यबाट सहयोग र आशीर्वचन प्राप्त हुनेछ । यद्यपि बृहस्पति ग्रहको प्रतिकूलताले गर्दा थोरै लाभका लागि समेत तपाईंले धेरै मिहिनेत गर्नुपर्ने हुन्छ । पेसागत र व्यवसायिक परिस्थति बिग्रँदै जानेछ । झैझगडा र झंझटबाट टाढा रहने प्रयत्न गर्नुहोस् । सामान्यतया यस महिनाको ५, ६, ७, १५, १६, १७, २४, २५ र २६ गते तपाईंका लागि नराम्रा दिनका रुपमा देखा पर्नेछन् ।

मीन (दि, दु, थ, झ, ञ, दे, दो, च, चि) –
तपाईंले जीवनलाई ठूलो उत्साह र उमङ्गका साथमा स्वागत गर्नुहुनेछ । तपाईंभित्र लुकेको व्यवसायगत सहज योग्यताको विकास हुनेछ । यस अवधिमा तपाईंले धेरै गम्भीरतापूर्वक काम गर्नुहुनेछ । तपाईंले सुखसुविधा प्राप्त गर्नु हुनेछ र साधारणतया प्रसन्नता प्राप्त हुनेछ । धार्मिक क्रियाकलापसित सम्बद्ध हुने सम्भावना छ । मित्रवर्ग र हितैषीले पूर्ण सहयोग प्रदान गर्नेछन् । तर मंगल आठौं हुनाले दाम्पत्य जीवन र प्रणय एवं रतिरागका लागि यो समय श्रेयस्कर हुँदैन । चिन्तनमननमा बढी निर्लिप्त हुनु पनि हानिकारक बन्नसक्छ त्यसैले यस परिस्थितिबट तपाईंले जोगिनु पर्छ । आकस्मिक रूपमा यात्रा गर्ने अवसर पनि आउन सक्छ । सामान्यतया यस महिनाको ८, ९, १०, १७, १८, १९, २६, २७ र २८ गते तपाईंका लागि नराम्रा दिनका रुपमा देखा पर्नेछन् ।


२०७१ श्रावण महिनामा पर्ने मुख्यमुख्य पर्व र महत्त्वपूर्ण दिनहरू


यस साइटमा भएका अन्य ज्योतिषसम्बद्ध आलेखहरू 


http://2.bp.blogspot.com/-zwyIrXmNHP0/UfigWNcqjBI/AAAAAAAACcg/H3r1bmE5ZSs/s200/Shiva+&+Shrawan+(1).jpg
कुनै योग्य र दक्ष ज्योतिषीलाई आफ्नो कुण्डली विश्लेषण गर्न लगाई रोगको कारक ग्रह कुन हो भन्ने पत्ता लगाउनु पर्दछ र त्यसपछि त्यस ग्रहसम्बद्ध वार वा नक्षत्र जुन दिन पर्दछ, त्यस दिन त्यस ग्रहसँग सम्बन्धित तुलादान गरी शिव रुद्राभिषेक र महामृत्युञ्जय मन्त्रको जप गर्दा रोग, शोक र भयबाट मुक्त भइन्छ।
http://4.bp.blogspot.com/-u7mQlLRfbQ4/Ue6tEm1D4uI/AAAAAAAACac/SGbvsR601p0/s320/Brihaspati+Graha+(2).jpg
वैज्ञानिक मान्यताअनुसार बुध, शुक्र, पृथ्वी र मङ्गलपछिको सूर्यबाट पाँचौंस्थानमा टाढा रहेको ग्रह बृहस्पति हो। यो ग्रह पृथ्वीभन्दा ३१८ गुना ठूलो छ। यसको परिक्रम मर्ग ७७,८३,३०,००० किलोमिटर लामो छ र यसको चौडाइ १,४२,९८४ किलोमिटर छ। त्यस्तै सूर्य, चन्द्रमा, शुक्र र मङ्गल ग्रहपछि बृहस्पतिग्रह आकाशको चौथो सबैभन्दा ठूलो चम्किलो पिण्ड हो।
Description: http://3.bp.blogspot.com/-CxAKOQnAc30/UV4ylaVsvFI/AAAAAAAAB9U/liV6hZTxdfg/s400/Rashifal.jpg
२७ वटा नक्षत्रमा जम्मा १०८ वटा नामाक्षर हुने र तिनै नामाक्षरलाई समान १२ भागगर्दा एक राशिमा ९ वटा अक्षर पर्नेभएकाले पनि नामराशि भन्नाले अगाडिको ९ नामाक्षरहरूको समूह हो भन्ने बुझ्नुपर्दछ । प्रत्येक राशिमा ९ जना प्रतिनिधि व्यक्ति रहन्छन् केवल एक व्यक्तिको पूरै राशिमा एकलौटी आधिपत्य हुदैन । यसकारण प्रत्येक व्यक्ति कुनै एक राशिमा सीमित हुन्छन् तर राशि कुनै एक व्यक्तिमा मात्रै सीमित रहन्न ।
http://3.bp.blogspot.com/-x__zudyQEp8/UeYZZZgGhtI/AAAAAAAACWU/8pEUJeaPEZY/s320/Budha.jpg
रोमन मिथकमा उल्लेख भएअनुसार बुध व्यापार, यात्रा र चौर्यकर्मको देवता हो। ग्रिसेली/युनानी परम्परामा वर्णन गरिने देवता हर्मिशको रोमन रूप बुध ग्रहलाई मान्ने चलन छ। बुध ग्रहलाई देवताहरूको सन्देशवाहक देवता पनि भन्ने गरिन्छ र यस ग्रहले सूर्यको परिक्रमा शीघ्र गतिमा गर्ने भएकाले सन्देशवाहक देवताको उपाधि प्राप्त गरेको हो।
Http://3.bp.blogspot.com/-CxAKOQnAc30/UV4ylaVsvFI/AAAAAAAAB9U/liV6hZTxdfg/s400/Rashifal.jpg
आकाशमा रहेका तारासमूहलाई नक्षत्र भनिन्छ। सामान्यतया नक्षत्र चन्द्रपथसँग सम्बन्धित हुन्छ, तर चन्द्रपथका अतिरिक्त आउने अन्य ताराहरूलाई पनि नक्षत्र नै भन्ने चलन छ। ऋग्वेदको एउटा प्रसङ्गमा सूर्यलाई पनि नक्षत्र भनिएको छ। अन्य नक्षत्र हरूमा सप्तर्षि र अगस्त्यको पनि चर्चा भेटिन्छ। नक्षत्रहरूको परिचय र सूची अथर्ववेद, तैत्तिरीय संहिता, शतपथ ब्राह्मण तथा लगधको वेदाङ्ग ज्योतिषआदि ग्रन्थमा प्राप्त हुन्छ।
http://3.bp.blogspot.com/-XcqsGrBz6r4/Udds2y4NcEI/AAAAAAAACRM/khRjwqIaUb8/s200/Mangal+Graha+(1).jpg
पूर्वीय वैदिक ज्योतिषमा मंगल ग्रहलाई मुख्यतया शक्ति र पुरुषत्वको कारकका रूपमा वर्णन गरिएको पाइन्छ। मंगल ग्रहले प्रत्येक व्यक्तिमा शारीरिक सामर्थ्य शक्ति मानसिक शक्ति र बलको प्रतिनिधित्व गरेको छ। मानसिक शक्ति भन्नाले निर्णय गर्ने क्षमता र उक्त निर्णयमा लिइने अडान भन्ने बुझिन्छ। मंगलको प्रभाव भएका जातकहरू सामान्यतया तथ्यको पहिचान गरी समुचित निर्णय गर्न र उक्त निर्णयलाई व्यावहारिक रूप प्रदान गर्न सक्षम हुने गर्दछन्।
http://3.bp.blogspot.com/-bspkteV3QRQ/UbAiYU0aQ8I/AAAAAAAACFI/r43d1yyZQrw/s400/Shani+Dev.jpg
सामान्यतया भारतमा शनि ग्रहको पूजा गर्ने र दान लिने अधिकार तल्लो जातका व्यक्तिहरू (डोम, मेहत्तर, चमार आदि) लाई मात्र छ भनिन्छ, नेपालको पहाडी जनजीवनमा जोगीलाई दिनुपर्छ भन्छन् तर अब व्यवसायिक जजमानी गर्ने नेपालका बाहुनहरू वास्तविकतालाई लुकाउँदै शुभसमय, साइत, गुरुशुक्रको उदयास्त आदि आधारभूत कुरालाई ख्यालै नगरी सामान्य जनमानसका भावना र आस्थालाई टेकेर भेटेसम्म धन बटुल्न चाहन्छन्……..
http://3.bp.blogspot.com/-ajpxnI9ZKrM/UdUEC9MbFqI/AAAAAAAACPM/iXD2qpczw6I/s320/Chandra.jpg
पश्चिमी ज्योतिषीय अवधारणामा समेत चन्द्रमाका वृत्तान्त प्राप्त हुन्छन्। रोमन कैथोलिकमा उल्लेख भएअनुसार चन्द्रमालाई 'Vergin Merry' को रूप मान्ने गरिन्छ। त्यहाँ चन्द्रलाई रात्रीकाल अर्थात् अन्धकारकी रानीका रूपमा लिइन्छ र Luna(डायना) भन्ने गरिन्छ। डायनालाई ग्रिसेली देवता अपोलोकी जुम्ल्याहा बहिनी मानिन्छ। त्यहाँ चन्द्रमालाई पवित्रता र प्रजनन क्षमतालाई नियन्त्रण गर्ने ग्रह पिण्ड मानी विश्लेषण गर्ने पद्धति छ।.
Description: http://kuwaitnepal.files.wordpress.com/2011/08/astrology.jpg?w=200&h=200
भारतीय उपमहाद्विपमा अहिले अभ्यास गरिँदै गरिएको ज्योतिषशास्त्रमा धेरै विविधता छ, र पश्चिमाको दाँजोमा धेरै कुरा थपिएको पनि छ। यहाँको सामाजिक परम्परा, दर्शन, स्थानीय विश्वास आदिको आधारमा यसको रुप नै अर्को जस्तो भैसक्यो। प्रत्येक ग्रहको आफ्नो प्रकृति हुन्छ र ब्रह्माण्डको आफू रहेको ठाउँअनुसार विभिन्न खालका प्रभाव पार्दछ भन्ने विश्वास यसको आधार हो।

http://3.bp.blogspot.com/-BxJnU6MJS4o/UdKDZYmWQdI/AAAAAAAACNk/zxuZp49if3A/s320/Surya1.jpg
माणिक्य सूर्यको मुख्य रत्न हो, यसलाई सुनमा बनाउन लगाएर यसमा रहेको रोगप्रतिरोधक क्षमतालाई बढाउन सकिन्छ, यसबाट व्यक्तित्वको विकास हुनुका साथै सरकारी प्रशासनिक र राजनैतिक साखलाई पनि बलियो बनाउन यस रत्नबाट सहयोग लिन सकिन्छ।
 
कुनै संघसंस्था वा परामर्शदाताले यस बेभसाइटमा विज्ञापन राख्न चाहनुहुन्छ भने सम्पर्क गर्न सक्नुहुन्छ, सम्पर्क गर्ने इमेल ठेगाना हो – gahateli@gmail.com सर्वाधिकार(Copyright) © २००९ 'ज्योतिषशास्त्र एवं वास्तुविज्ञान' - ज्योतिषसाथी', इटहरी-१, सुनसरी, नेपालमा सुरक्षित